Нұр-Сұлтан, BAQ.KZ. Ақтөбе облысында үшінші тәулік бойы Темір ауданының 17 жастағы тұрғыны іздестірілуде.
25 қарашада сағат түскі 12:00-де Темір аудандық полиция бөлімінің кезекші бөліміне Бірлік ауылының тұрғыны хабарласып, кәмелет жасқа толмаған ұлы Сулейман Нұркенұлы Есеналиевтің 24 қараша күні сағат кешкі 18:00-де үйден шығып, қайтып оралмағаны туралы арызданған, - делінген хабарламада.
Хабар-ошарсыз жоғалған адамның орналасқан жерін анықтау бойынша іздестіру шаралары жүргізілуде.
Жоғалған адамды іздестіруге 22 полиция қызметкері, 12 ауыл әкімшілігінің қызметкері, 30-дан астам жергілікті тұрғын және 10 жергілікті
мектептің мұғалімі тартылды.
Қандай да бір ақпарат білетін жандар болса, мына нөмірлерге хабарласуыңызды сұрайды: 8771 786 66 66, 8776 546 66 66 немесе 102.
