Қарағанды облысының 62 студентіне Президенттік шәкіртақы тағайындалды, деп хабарлайды BAQ.KZ Қарағанды облысының әкімдігінің ресми сайтына сілтеме жасап.
Қарағанды облысының 62 студенті Қазақстан Республикасы Президенті шәкіртақысының иегері атанды. Стипендиаттарды іріктеудің негізгі критерийі – тек өте жақсы оқу.
Е. А. Бөкетов атындағы Қарағанды университетінің 47 студенті, А. Сағынов атындағы ҚарТУ-нің 10 студенті, Қазтұтынуодағы Қарағанды университетінің төрт студенті және Қарағанды индустриалды университетінің бір студенті стипендиат атанды.
Президенттік стипендия мемлекеттік білім беру тапсырысы негізінде де, ақылы негізде де күндізгі бөлімде оқитын студенттерге үшінші курстан және магистранттарға екінші курстан тағайындалады. Үміткерлер университеттің қоғамдық өміріне де белсенді қатысуы керек.
Президенттік стипендия студенттерге жақсы материалдық қолдау болып табылады. Әсіресе, ақылы негізде оқитындар үшін. Бірінші курстан оқу үздігі болу, бар уақытын оқуға арнау, соған шындап қарап, барыңды беру – үлкен еңбек, – дейді Е. А.Бөкетов атындағы ҚарУ студенттермен жұмыс істеу қызметінің жетекшісі Қарлығаш Хабдрахманова.
А. Сағынов атындағы ҚарТУ 4-курс студенті Әлия Досқалиева – Президенттік шәкіртақы иегерлерінің бірі. Оның нақты ғылымдарға деген құштарлығы оны маркшейдерлік және геодезия бөліміне жетелеп, «сандық аэрофототүсірілім» мамандығын таңдаған.
Мұнда мен өз әлеуетімді және амбициямды жүзеге асыра аламын. Университетте оқу мен үшін ауыртпалық емес. Жаңа нәрсені үйренуге деген қызығушылық пен ынта болған кезде сәйкес нәтижелер көрінеді. Үшінші курстан бері Президенттік шәкіртақы алып жүрмін. Бұл маған ғылыми және қоғамдық жұмыстарға көбірек уақыт бөлуге, елімізден тыс жерлерде өтетін халықаралық олимпиадаларға қатысуға мүмкіндік береді, бұл мені жоғары білікті маман болуға итермелейді, – дейді Әлия.
Президенттік стипендия 1993 жылы тағайындалды және жыл сайын университеттер мен ғылыми мекемелердің ең дарынды магистранттары мен жоғары оқу орындарының студенттері арасында бөлінеді.
