Нұр-Сұлтан, BAQ.KZ. Синоптиктер 31 мамырға арналған ауа райы болжамын жариялады.
«Қазгидрометтің» мәліметінше еліміздің батыс бөлігіне антициклон әсер етеді. Осыған байланысты батыс пен оңтүстікте жауын-шашын жаумайды.
Алайда солтүстік, шығыс, оңтүстік-шығыс пен орталығында атмосфералық фронттардың әсерінен тұрақсыз ауа райы сақталады, жаңбыр жауып, найзағай ойнайды, жел күшейеді және бұршақ жауады.
Алматы облысының таулы аймақтарында найзағай, күндіз бұршақ, дауыл болады. Жел күшейеді, оңтүстікте, таулы аудандарда жел екпіні – 17-22, облыстың шығысында 24-29 м/с жетеді.
Солтүстік Қазақстан облысының солтүстігінде, шығысында найзағай, бұршақ, дауыл, жел қарқыны түнде солтүстікте, батыста – 15-20 м/с, күндіз басым бөлігінде – 15-20, екпіні 25 м/с дейін күшейеді.
Қостанай облысының солтүстік жартысында найзағай, бұршақ, дауыл күтіледі, солтүстігінде түнде жел – 15-20, күндіз басым бөлігінде – 15-20, күндіз екпіні – 23 м/с.
Ақмола облысының солтүстігінде, батысында, шығысында найзағай, бұршақ, дауыл күтіледі, желдің күші – 15-20, күндіз екпіні 23 м/с жетеді.
Қарағанды облысының солтүстігінде, шығысында найзағай, бұршақ, дауыл күтіледі, түнде облыстың батысында жел қарқыны – 15-20, күндіз – 15-20, 25 м/с.
Күндіз Павлодар облысының басым бөлігінде найзағай, бұршақ, дауыл болады, облыстың батысында, оңтүстігінде, орталығында жел 15-20 м/с дейін күшейеді. Шығыс Қазақстан облысының солтүстігінде, шығысында найзағай, бұршақ, дауыл тұрады. Жел екпіні – 15-20 м/с.
Жамбыл облысының оңтүстігінде, шығысында, тау және таулы аудандарда найзағай, бұршақ, күндіз желдің жылдамдығы 15-20 м/с жетеді.
Күндіз Қызылорда облысының орталығында желдің күші – 15-20 м/с, шаңды дауыл соғады. Шығыс Қазақстанның облысының Жарма, Катонқарағай аудандарында, Қызылордада төтенше өрт қаупі сақталады.
