Нұр-Сұлтан, BAQ.KZ. Жұмада еліміздің басым бөлігі циклонның және сонымен байланысты фронтальді бөліктер ықпалында болады, кейбір жерде жаңбыр, кей жерде қатты жаңбыр жауады, деп хабарлады «Қазгидромет» РМК.
Республика бойынша кей жерде дауыл, шаңды дауыл, желдің күшеюі күтіледі, бұршақ жаууы ықтимал, солтүстік-батыста түнде кей жерде тұман күтіледі.
Ақмола, Павлодар, Қостанай облыстарының кей жерінде дауыл күтіледі, бұршақ жаууы мүмкін, түнде кей жерде жел 15-20, күндіз 15-20, екпіні 23-28 м/с күшейеді, Қостанай облысының кей жерінде түнде тұман күтіледі.
Солтүстік Қазақстан облысында жел 15-20, екпіні 23-28 м/с күшейеді, кей жерде дауыл күтіледі, бұршақ жаууы мүмкін. Қарағанды облысының кей жерінде дауыл күтіледі, бұршақ жаууы мүмкін, жел 15-20, екпіні 25 м/с күшейеді.
Жамбыл, Түркістан, Қызылорда, Атырау, Батыс Қазақстан, Ақтөбе, Шығыс Қазақстан, күндіз Алматы облысының кей жерінде жел 15-23 м/с күшейеді, Түркістан, Қызылорда облыстарында шаңды дауылмен, Шығыс Қазақстан облысының кей жерінде бұршақ жаууы мүмкін.
Күндіз Алматы облысында қатты ыстық күтіледі.
Қызылорда, Түркістан, Жамбыл, Қарағанды, Атырау, Батыс Қазақстан облыстарының басым бөлігінде, Ақтөбе облысының кей жерінде, Қостанай, Алматы облыстарының оңтүстік-батысында, Павлодар облысының солтүстігінде өте жоғары өрт қаупі сақталады.
