Нұр-Сұлтан, BAQ.KZ тілшісі. Мәжілістің жалпы отырысынан кейін кулуарда журналистер «Бірыңғай жинақтаушы зейнетақы қорының» басқарма төрағасы Жанат Құрмановқа сұрақ қойды.
20 жасында 3 млн теңге зейнетақы жинаған адамдар бар ма? – деп сұрады журналистер.
«БЖЗҚ» АҚ басқарма төрағасы Жанат Құрманов қойылған сұраққа нақты жауап бере алмады.
Бар, әрине, - деп жауап берді ол.
Бірақ БЖЗҚ басшысы нақты қанша адам бары туралы қолында статистика жоқ екенін айтты.
