Үкімет отырысында Ғылым және жоғары білім министрі Саясат Нұрбек ғылыми жобалардың үлесі артып келе жатқанын айтты, деп хабарлайды BAQ.KZ тілшісі.
2016 жылдан бері Ғылым қоры ғылыми әзірлемелерді коммерцияландыруға арналған 6 конкурс өткізді. 2 148 өтінімнің 1 681-і сараптамадан өтіп, 416 жоба мақұлданды, 386-сы қаржыландырылды.
Қазіргі уақытта 208 жоба іске асып жатыр, оның 25-і экспортқа шықты, ал алтауы бір млрд теңгеден астам сату көлеміне жетті. Жобалардың экономикаға қосқан жиынтық үлесі – 118,4 млрд теңге. Маңыздысы – соңғы 3 жылда коммерцияландыруға қаржыландыру да, қоса қаржыландыру да мүлде бөлінген жоқ. Биылдан бастап бұл мақсатқа қаражат қарастырылды, - дейді Саясат Нұрбек.
Бұған дейін хабарлағанымыздай, Ғылым және жоғары білім министрі Саясат Нұрбек еліміздегі ғалымдарға қандай жағдай жасалып жатқанын айтты.
