Жылыой ауданының орталық ауруханасындағы науқастар Маңғыстау облысына тасымалдануда, деп хабарлайды BAQ.KZ облыс әкімдігіне сілтеме жасап.
Төтенше жағдайға байланысты емделушілердің қауіпсіздігін қамтамасыз ету мақсатында орталық ауруханада ем алып жатқан 70 науқас Бейнеу аудандық орталық ауруханасына көшіріледі. Олар 14 жедел-жәрдем реанимациялық автокөлігімен және 50 адамдық екі ikarus көлігімен тасымалданады.
Қазіргі уақытта ауруханада 77 науқас ем алып жатыр. Олардың қауіпсіздігін қамтамасыз ету мақсатында көршілес облысқа тасымалдап жатырмыз. Аурухананың жан сақтау бөлімінде екі, хирургия бөлімінде 12, терапия бөлімінде 10, балалар және босану бөлімінде науқастар бар. Оларды қауіпсіз орынға көшіру мақсатында эвакуация жүріп жатыр. Жағдайы ауыр науқастар реаниматологпен, анестезиологпен және толық жабдықталған ӨЖЖ аппаратымен барады. Жатып баратын науқастар жедел-жәрдем көлігімен, отырып баратындар ikarus-пен қатынайды,-деді ауданның бас дәрігері Асұлан Абдрахманов.
