Нұр-Сұлтан, BAQ.KZ тілшісі. Бұл туралы ІІМ Есірткі қылмысына қарсы іс-қимыл департаментінің басқарма бастығы Бақытжан Әмірханов Ішкі істер министрлігінің дәстүрлі брифингінде айтты.
Жыл басынан бері 440 интернет-ресурс анықталып, АҚДМ-ға бұғаттауға жіберілді, оның ішінде 150-ден астам телеграм арнасы. ІІД IT мамандарын тарту және бағдарламалық-аппараттық әлеуетін күшейту шаралары қолға алынды. Астана IT университетімен қашықтықтан оқыту технологияларын пайдалана отырып, бағдарламалар мен мәліметтер базасын әзірлеуді көздейтін ғылыми-зерттеу саласындағы ынтымақтастық туралы меморандумға қол қойылды, - деді Әмірханов.
Оның айтуынша, интернет-технологиялардың дамуымен бірге қылмыс әлемінің жолдары мен әдістері де өзгеруде.
Көбінесе есірткі саудагерлері өз мақсаттарына жету үшін интернет-ресурстарды пайдалану арқылы адамдарды есірткі бизнесіне көбірек тарту үшін жұмыс орындары туралы хабарландырулар жасайды. OLX Group сияқты ең танымал платформалармен өзара әрекеттестік орнатылды. Соның арқасында биылғы жылы 50-ден астам жарнама алынып тасталды, олар арқылы курьерлік жұмысты ұсыну желеуімен есірткіні «сатып алушылар» жұмысқа алынды. Дәл осындай жұмыс Telegram серверінің қазақстандық әкімшісімен жүргізілуде, онда қазірдің өзінде жасырын есірткі сатумен айналысатын 440 чат анықталды, - деді ол.
