Шет елдерде қарапайым жұмысшыларға құрмет зор, олардың табысы да жақсы. Ал біздің елде еңбек адамдарының жұмысы әлі де болса тиісті дәрежеде еленбей келеді. Мамандар жағдайды реттеуді бала-бақшадан бастау керектігін айтады, деп хабарлайды BAQ.KZ тілшісі.
Астана қалалық техникалық колледжінің басшысы Абай Құрманқұлов қоғамның көзқарасын өзгертпей, жағдай оңалмайды дейді. Педагогтың айтуынша еңбекке құрметпен қарауды бала тәрбиесінен бастау қажет.
Биылғы жылдың "Жұмысшы мамандықтар жылы" болып белгіленуі де бұл іске үлкен қозғау салуы тиіс. Нағыз жұмысшы мамандарды оқытатын білім ошағының басшысы осы тақырыптағы біраз ойын "Мінберге" берген сұхбатында айтты.
