Жезқазғандағы мектеп маңында болған жол апаты тұрғындарды шошытты. Оқиға бейнебақылау камераларына түсіп қалған, деп хабарлайды BAQ.KZ тілшісі.
Жол апаты Абай көшесіндегі №11 мектептің жанында болған. Апат сәті бейнебақылау камераларына жазылып қалған.
Дене жарақатын алған екі жүргізуші ауруханаға жеткізілген. Жол-көлік оқиғасына қатысты полиция тергеу жүргізуде.
Қазіргі уақытта оқиғаның мән-жайын толық анықтау үшін жан-жақты тергеу жұмыстары жүргізілуде. Оқиғаның себептері мен барлық жағдайларын анықтау мақсатында тиісті сараптамалар тағайындалды, - дейді Ұлытау облыстық ПД баспасөз қызметі.
Еске салайық, бұған дейін Сәтбаевта көлік қағып кеткен 13 жастағы қыз көз жұмғаны хабарланған.
