Талдықорғандағы «Айналайын» ерекше қамқорлықты қажет ететін балаларға арналған мекемеге Жетісу университеті10 жыл бойы қолдау көрсетіп, жылуын төгіп келеді, деп хабарлайды BAQ.KZ тілшісі.
Дәстүрге айналған «Шын жүректен» атты бастама биыл өзінің 10 жылдығын атап өтті. Айтулы күнге орай Жетісу университетінің Гуманитарлық факультеті қайырымдылық шарасын ұйымдастырып, орталықтың тәрбиеленушілері мен ұжымына ерекше құрмет көрсетті. Көңілге жылу ұялатқан басқосуда университет ректоры Ермек Бөрібаев құттықтау сөз сөйлеп, жанашырлық танытып жүрген бірқатар қызметкерлерге алғыс хаттар табыс етті.
Бүгінде «Айналайын» орталығында тағдырдың сынын еңсеріп, болашаққа үмітпен қарайтын 90-ға жуық бала тәрбиеленуде. Өткен 10 жыл ішінде Жетісу университетінің ұжымы 9 мыңнан астам балаға қолдау көрсетіп, оларға қамқорлық пен сенімнің шуағын шашты. Орталықтың қабырғасынан түлеп ұшқан 30-дан астам жас дәл осы университетте білім алып, бүгінде әртүрлі салада табысты еңбек етіп жүр. Биыл төрт түлек үлкен өмірге қадам басып, жоғары білім алу үшін Жетісу университетін таңдады, дейді университет ректоры Ермек Бөрібаев.
Орталық директоры Гүлмира Ахметова өз кезегінде жанашырлық танытып, жылдар бойы демеу көрсетіп келе жатқан университет ұжымына шынайы ризашылығын білдірді.Аталған ізгі дәстүрдің болашақта да жалғасын тауып көптеген балалардың жүрегіне жылу ұялататынына сенім білдірді.
Игілікті шара соңында студенттер көктем айында дүниеге келген балаларға арнап арнайы сыйлықтар мен тәтті торттар тарту етіп, оларды мейірімге бөледі. Балалардың бал-бұл жайнаған жүздері мен көздеріндегі қуаныш бұл күннің нағыз шаттық пен игі ниетке толы сәтке айналғанын айғақтады.
Жетісу студенттері қайырымдылық жасады
Талдықорғандағы «Айналайын» ерекше қамқорлықты қажет ететін балаларға арналған мекемеге Жетісу университеті10 жыл бойы қолдау көрсетіп, жылуын төгіп келеді, деп хабарлайды BAQ.KZ тілшісі.
Дәстүрге айналған «Шын жүректен» атты бастама биыл өзінің 10 жылдығын атап өтті. Айтулы күнге орай Жетісу университетінің Гуманитарлық факультеті қайырымдылық шарасын ұйымдастырып, орталықтың тәрбиеленушілері мен ұжымына ерекше құрмет көрсетті. Көңілге жылу ұялатқан басқосуда университет ректоры Ермек Бөрібаев құттықтау сөз сөйлеп, жанашырлық танытып жүрген бірқатар қызметкерлерге алғыс хаттар табыс етті.
Бүгінде «Айналайын» орталығында тағдырдың сынын еңсеріп, болашаққа үмітпен қарайтын 90-ға жуық бала тәрбиеленуде. Өткен 10 жыл ішінде Жетісу университетінің ұжымы 9 мыңнан астам балаға қолдау көрсетіп, оларға қамқорлық пен сенімнің шуағын шашты. Орталықтың қабырғасынан түлеп ұшқан 30-дан астам жас дәл осы университетте білім алып, бүгінде әртүрлі салада табысты еңбек етіп жүр. Биыл төрт түлек үлкен өмірге қадам басып, жоғары білім алу үшін Жетісу университетін таңдады, дейді университет ректоры Ермек Бөрібаев.
Орталық директоры Гүлмира Ахметова өз кезегінде жанашырлық танытып, жылдар бойы демеу көрсетіп келе жатқан университет ұжымына шынайы ризашылығын білдірді.Аталған ізгі дәстүрдің болашақта да жалғасын тауып көптеген балалардың жүрегіне жылу ұялататынына сенім білдірді.
Игілікті шара соңында студенттер көктем айында дүниеге келген балаларға арнап арнайы сыйлықтар мен тәтті торттар тарту етіп, оларды мейірімге бөледі. Балалардың бал-бұл жайнаған жүздері мен көздеріндегі қуаныш бұл күннің нағыз шаттық пен игі ниетке толы сәтке айналғанын айғақтады.
