Жетісу облысында көлік қозғалысына уақытша шектеу қойылды. Бұл туралы «ҚазАвтоЖол» ҰК баспасөз қызметінен мәлім етті, деп хабарлайды BAQ.KZ.
Ауа райының қолайсыздығына байланысты 26 желтоқсан сағат 22:00-ден бастап «Сарыөзек – Көктал» автожолының 40–68 шақырым аралығы (Алтын Емел асуы) барлық көлік түрлері үшін жабылады, - делінген хабарламада.
Жол қозғалысын 27 желтоқсан сағат 08:00-де қалпына келтіру жоспарланып отыр.
