ТЖМ құтқарушылары Павлодарда газгольдердегі газдың жануын сөндірді, деп хабарлайды BAQ.KZ Төтенше жағдайлар министрлігіне сілтеме жасап.
Белгілі болғандай, қаладағы Жеңіс алаңы көшесіндегі ашық аумақта газгольдердегі газ жанған.
Өрт сөндірушілер 2 шаршы метр алаңдағы жер асты газгольдерде орналасқан газ ауа қоспасының жедел сөндіруге және оны салқындатуға кірісті. Оқиға орнында ТЖД басқаруымен жедел штаб құрылды. Адамдардың қауіпсіздігі мақсатында жақын орналасқан ғимараттардан 850-ден астам адам эвакуацияланды, - делінген хабарламада.
Сондай-ақ эвакуацияланған халықты жылыту үшін 3 автобус және аталмыш орынды қоршауға 3 полиция экипажы тартылды.
Адамдар жақын орналасқан ғимараттардан эвакуацияланды. Қазіргі уақытта суды үздіксіз беру ұйымдастырылып, газгольдерді салқындату жүріп жатыр. Пропан-бутан қоспасының жануы бақылауда, - деп хабарлады Павлодар облысы ТЖД бастығы Рустамбек Амрин.
Өрт оқшауланды. Зардап шеккендер жоқ.
