#Желмая жобасының бұл жолғы кейіпкері композитор, ҚР Мемлекеттік сыйлығының лауреаты Төлеген Мұхамеджанов.
Республика күнін неге алып тастадық? Ән жазып бер деп хабарласатындар көп пе? 1-2 ән жазып, өзін композитормын деп атайтындар неге көбейіп кетті? «Оян қазақ» әні неге оты жанбай өшіп қалды?
«Желмая» жобасы – билікте, саяси тұғырда жүрген елге танымал қоғам қайраткерлері мен саяси тұлғалардың хикаясы. Олар өз Жерұйығын тапты ма? Арманына жетті ме, қазір не армандайды? Бүгінгі тұрмысы, аяқ алысы, жұмыс барысы қалай?
«Желмая» – өмірдің өз өрнегін көрсету үшін ресмилік пен қазымырлықтан ада жоба. Белгілі қоғам қайраткерлерінің, ел аузындағы мамандардың әңгімесін қаз-қалпында естисіз. Олар елорданы аралап жүріп, өмірінің түйінді тұстарына арқау болған жерлерді көрсетіп, әңгімелеп береді.
Бұған дейін «Желмая» жобасының қонағы ҚР Президенті жанындағы ҚСЗИ халықаралық зерттеулер бөлімінің басшысы Әсел Назарбетова болды.
