Атырауда Жайық өзеніндегі су деңгейі көтеріліп жатыр, деп хабарлайды BAQ.KZ.
Бұл туралы Атырау облысы бойынша "Қазгидромет" РМК хабарлады.
Гидрологиялық мониторинг деректері бойынша, өткен тәулікте 2024 жылғы 9 сәуірдегі таңғы сағат 8.00 жағдай бойынша:
- Индербор кентіндегі гидропостта БҚО тарапынан судың келуі есебінен cу деңгейі 33 см биіктікте көтерілді, су тасқыны басталғаннан бері жалпы судың көтерілу деңгейі 216 см.
- Махамбет кентінде су деңгейі 60 см-ге көтерілді, су тасқыны басталғаннан бері судың жалпы көтерілу деңгейі 178 см.
- Атырауда 30 см, су тасқыны басталғаннан бері жалпы судың көтерілу деңгейі 58 см.
9 сәуірде Иректі су қоймасынан ағызылған су көлем 1670 м3 / с , - делінген хабарламада.
