Нұр-Сұлтан, BAQ.KZ. Орта салмақтағы қазақстандық боксшы Жәнібек Әлімханұлы (11-0, 7 КО) бразилиялық Эскива Фалькаоға (29-0, 20 КО) кезекті хабарламасын жолдады.
Бауырым, сенің рекордың 29-0. Неліктен сен әлі чемпион емессің? Менің рекордым 11-0, жақында титул үшін күресемін. Экс-чемпионды 11-жекпе-жекте нокаутқа жібердім. Сен 11-жекпе-жекте 7-1 рекордтағы боксшыға қарсы күрескенсің. Менің ойымша, кім мықты екенін бәрі біледі!- деп жазды Әлімханұлы Twitter-дегі парақшасында.
Естеріңізге сала кетейік, бұған дейін Бүкіләлемдік бокс ұйымы (WBO) Жәнібек Әлімханұлына орта салмақтағы "уақытша" әлем чемпионы атағы үшін Фалькао Эскивасымен жекпе-жек өткізуді міндеттеген болатын.
