Жаңа Ата заң: "Әділетті Қазақстан" идеясы құқықтық негізге айналады

 Л.Н. Гумилев атындағы Еуразия ұлттық университетінде Конституцияның жаңа жобасын талдауға арналған сараптамалық талқылау өтті, деп хабарлайды BAQ.KZ тілшісі.

Заң ғылымдарының докторы, профессор Ермек Абдрасуловтың мәлімдеуінше, Қазақстан Республикасының жаңа конституциясының жобасы еліміздің өсуге және өзгеруге арналған тиімді басқарудың жалпы қағидаттарын белгілейді. Ол жаңа және қалыптасқан мемлекеттік билік институттарының негізгі құрылымын және олардың кейбір маңызды рәсімдерін анықтайды.

Жоба сонымен қатар республиканың белгілі бір негізгі құндылықтарға: бостандыққа, теңдікке, әділеттілікке, Заңға және тәртіпке деген ұмтылысын білдіреді. Күтпеген сын-қатерлер мен проблемаларға төтеп бере алатын, Ұлы даланың мың жылдық дәстүрін сақтап, дамыта алатын, адам құқықтары мен бостандықтарын сапалы қорғауды қамтамасыз ететін мемлекет пен қоғамның тетіктерін құруға деген ұмтылыс Конституцияның негізінде жатқан басты уәжге айналды, - деп атап өтті заңгер.

Оның пайымдауынша, Конституция авторлары батыл әрі прагматикалық заманауи ұрпаққа жатады. Өйткені Құрылтайды, жаңа жоғары өкілді органын, және Халық Кеңесі, жоғары консультативтік органын құруда.

Олар осы және басқа да ұсынылған конституциялық ережелер мен қағидаттар мемлекеттік және қоғамдық басқарудың бірегей институттарының жандануына алып келеді, уақыт өте келе маңызды оң өзгерістерге ұшырайтын Қазақстан халқының бірлігін нығайтады деп дұрыс пайымдайды. Бұл анық, өйткені жаңа Конституция бізді прогрессивті болашаққа ұмтылған, мемлекеттік құрылыста мың жылдық тәжірибесі бар, ұлы көшпелі өркениеттің дәстүрлі құндылықтарымен байланысты халықтық даналық, әдет-ғұрып пен адамгершілікке ие ұлт ретінде көрсетеді, - деді Ермек Баяхметұлы.

Ал сенатор Әлішер Сатвалдиевтің мәліметіне сүйенсек, былтыр екі негізгі идеологиялық құжатқа қол қойылды.

Оның ішінде, «Қоғамда заң мен тәртіп идеологиясын ілгерілету жөніндегі 2025 – 2030 жылдарға арналған тұжырымдама» бар. Сондай-ақ «ҚР ішкі саясатының негізгі қағидаттарын, құндылықтары мен бағыттарын бекіту туралы» Президент қаулысы бар.

Осы екі құжаттың бір құжат ретінде қайта қабылданатын алғышарттары Конституция арқылы белгіленіп отыр. Өйткені Конституцияны қабылдай отырып, біз ҚР барлық азаматының құқықтық және бір халықтың, бір этностың өкілдері ретінде қабылдауға толық мүмкіндіктеріміз бар деп ойлаймын. Негізі бұл жұмыстардың барлығы Үкіметтен бастап, жергілікті атқарушы органдарда, мекемелерде, ұжымдарда талқыланып жатыр, - деп атап өтті депутат Жаңа Конституциясы жобасының негізгі ережелеріне арналған сараптамалық талқылау кезінде.

Сонымен қатар сенатор Конституцияның ғылыми ортада талқыға түскенін айтты.

Адам құқықтарының мемлекеттің басты ұсыныс ретінде жарияланған жаңа Ата Заң жобасы «Әділетті Қазақстан» идеясын құқықтық тұрғыда нақтылай түсетіні белгілі. Алда жалпыхалықтық референдумда бұл жоба бүкіл халықтың талқысы мен таңдауына ұсынылады. Демек, негізгі заңды жаңарту процесі тұтас қоғамның қатысуымен ғылыми негізделген әрі көпшілікке түсінікті форматта іске асуға тиіс. Қабылданатын Конституция еліміздің ұзақмерзімді тұрақтылығы мен өркендеуіне қызмет етіп, Қазақстан халқының бірлігі мен келісімін нығайта түсетініне сенімдімін, - деді Әлішер Сатвалдиев.

Сараптамалық талқылау аясында конституциялық өзгерістердің негізгі бағыттары, олардың институционалдық мазмұны және елдің саяси әрі қоғамдық жүйесіне ықтимал әсері кеңінен сараланды. Қазіргі заманғы сын-қатерлер жағдайында конституциялық нормаларды жаңарту мәселелеріне ерекше назар аударылды.