«Даму» қоры кәсіпкерлікті дамыту мақсатында мемлекеттен қолдау алған Жамбыл облысындағы кәсіпкерлік нысандарына пресс-тур өткізді, деп хабарлайды Жамбыл облысындағы BAQ.KZ тілшісі.
Экскурсияға қатысушылар «Достық және К» ЖШС шыны ыдыстар шығаратын зауытында, сондай-ақ «Эрсад-2021» ЖШС тоқыма кәсіпорнында болды.
«Даму» кәсіпкерлікті дамыту қоры – «Бәйтерек» ұлттық холдингінің құрамына кіретін мемлекеттік даму институты. Қордың мақсаты – Қазақстандағы шағын және орта бизнесті дамыту, миссиясы кешенді және тиімді қолдау құралдарын енгізу арқылы микро, шағын және орта бизнесті тұрақты дамытудағы белсенділікті арттыруға саяды.
«Даму» қорының кәсіпкерлікті қолдаудың негізгі құралдары – екінші деңгейлі банктер арқылы жеке кәсіпкерлікті қаржыландыру, пайыздық мөлшерлемелерді субсидиялау, банктерге кепілдік беру, лизингтік операцияларды жеңілдікпен қаржыландыру. Ұйымның Қазақстанның барлық 17 облысында және республикалық маңызы бар Астана, Алматы және Шымкент қалаларында аймақтық филиалдары бар.
«Даму» қоры Жамбыл филиалының директоры Бақытжан Исақов журналистерге берген сұхбатында бизнесті мемлекеттік қолдау бүгінгі таңда оның маңызды рөлі мен кәсіпкерлік секторды қуатты ынталандыру туралы айтуға мүмкіндік беретінін жеткізді.
Кәсiпкерлiктi дамытудың 2021-2025 жылдарға арналған ұлттық жобасын және кәсiпкерлiктi несиелендiрудi қолдауға арналған «Қарапайым заттар экономикасының» басым жобаларын несиелеу тетiгiн жүзеге асыру аясында «Даму» қоры Жамбыл облысындағы кәсiпорындарға қолдау көрсеттi. Пайыздық мөлшерлемені субсидиялау және несиелерге кепілдік беру нысаны арқылы жәрдемдесті, - деді ол.
«Еңбекақы мөлшерлемесін субсидиялау» бағыты бойынша облыстағы кәсіпкерлердің 4,7 мыңнан астам жобасы 255,9 млрд теңгеге қолдау көрген. 3,2 мың жобаны іске асыру үшін «Даму» қорының кепілдігі ұсынылды, оның жалпы сомасы 56,6 млрд теңгеден астамды құрады.
2022 жылдың 10 айында пайыздық мөлшерлемені субсидиялау түрінде жалпы сомасы 26,9 млрд теңгеге кәсіпкерлердің 1203 жобасы қолдау алды, оның ішінде «Ұлттық кәсіпкерлікті дамыту» жобасы бойынша 17,3 млрд теңгенің 1 198 жобасы бар.
«Қарапайым заттар экономикасының» басым жобаларын кредиттеу тетігі бойынша 9,5 млрд теңгеге бес жоба (2022 жылғы 1 қарашадағы жағдай бойынша) қаржыландырылды.
Ағымдағы жылы облыс кәсіпкерлерінің кепілдік құралы бойынша жалпы сомасы 14,6 млрд теңгеге 1 389 жобасына қолдау көрсетілсе, кепілдік сомасы 9,2 млрд теңгені құрады. 2022 жылы қор «Қазақстан Халық Банкі» АҚ арқылы айналым қаражатын несие кепілдігімен толықтыру бойынша қаржыландыру жобасын қолдады. Өңдеу өнеркәсібімен айналысатын кәсіпкерлік субъектілерін қолдауға арналған «Даму-Өндіріс» бағдарламасы да бар, - деп атап өтті Бақытжан Исақов.
Пресс-тур барысында кәсіпорын өкілдері өз жобалары мен қандай мемлекеттік бағдарламаларды пайдаланғандары туралы айтып берді.
Цех басшысы Есберген Еламанов журналистерге берген сұхбатында «Достық и К» ЖШС нарықта 2004 жылдан бері жұмыс істеп келе жатқанын және тұтынушыға сыйымдылығы бір литрге дейінгі шыны банкаларды өндіруші ретінде белгілі екенін, тағы бір өндіріс желісі жобаланғанын мәлімдеді. Олар сыңғы кездері екі және үш литрлік банкаларды да шығарады.
2020 жылы қор несиеге кепілдік беру және пайыздық мөлшерлемені субсидиялау арқылы процесті автоматтандыру үшін жабдықты, шығын материалдарын сатып алу бойынша «Қазақстан Халық Банкі» АҚ арқылы қаржыландыру жобасын қолдады. Бұл «Бизнестің жол картасы-2025» кәсіпкерлікті қолдау мен дамытудың мемлекеттік бағдарламасын жүзеге асыру аясында жүзеге асты.
«Эрсад-2021» ЖШС нарықта 2021 жылдан бері жұмыс істейді.
Кәсіпорын тоқыма емес бұйымдарды, құрылыста, медицинада, автомобиль жасауда, ауыл шаруашылығында қолданылатын синтетикалық материалдарды шығарады, - дейді кәсіпорынның бас технологы Сергей Пак.
Оның айтуынша, өндірісте қолданылатын Spunbond - өте жеңіл, экологиялық таза, берік термикалық байланысқан, ең жақсы полипропилен жіптерінен жасалған тоқыма емес материал. Ол қымбатырақ материалдарды ауыстыру ретінде пайдаланылады. Материалдың негізгі қасиеттері төмен құнымен, бойлық және көлденең бағыттағы жоғары беріктігімен, кесу жеңілдігімен, термиялық тұрақтылығымен ерекшеленеді.
Шара барысында журналистер өңірде іргелі кәсіпорындардың жолға қойылған жұмысын көріп, мемлекеттік бағдарламалардың жүйелі жүзеге асып жатқанына көз жеткізді.
