Мьянмадағы гуманитарлық дағдарыс жойқын жер сілкінісінен кейін күшейе түсті. Оның салдары миллиондаған балаларға әсер етуі мүмкін. Бұл туралы ЮНИСЕФ мәлімдеді, деп хабарлайды BAQ.KZ 24KZ-ке сілтеме жасап.
Ұйым табиғи апат елдегі онсыз да қиын жағдайды одан сайын қиындатқанын атап өтті. Қолайсыз жағдайда өмір сүріп жатқан көптеген отбасылар қазір бұдан да үлкен қиындықтарға тап болып отыр. Таза су мен медициналық көмек жоқтың қасы.
Аталған қиыдықтарды ескере отырып, бірінші кезектегі жауап ретінде ЮНИСЕФ 80 тонна апаттық заттарды, оның ішінде алғашқы медициналық көмекке арналған қобдишаларды, медициналық құралдарды, шатырлар мен гигиеналық жинақтарды жібереді.
Қор басқа да халықаралық қауымдастықтарды шұғыл қаржылық көмек көрсетуге шақырып отыр.
6
0
0
0
0
