Washington Post: АҚШ Ирандағы өз азаматтарын босатуды талап етпек
Басылымның жазуынша, Исламабадта өтетін келіссөздерде америкалық тұтқындар мәселесі де көтерілуі мүмкін.
Бүгiн 2026, 20:50
129
Фото: Anadolu Agency
Исламабадта жоспарланған кездесулерде америкалық келіссөз жүргізушілер Ираннан қамауда отырған АҚШ азаматтарын босатуды талап етуге ниетті, деп хабарлайды BAQ.KZ Washington Post басылымына сілтеме жасап.
Дереккөздердің айтуынша, әзірге АҚШ өкілдерінің бұл мәселеде қаншалықты қатаң қысым жасайтыны белгісіз. Сонымен қатар кейбір шенеуніктер келіссөздер күрделеніп кеткен жағдайда бұл талап кейінге шегерілуі мүмкін екенін де жоққа шығармайды.
Материалда қолда бар мәліметке сәйкес, қазір Иранда АҚШ-тың 6 азаматы қамауда отырғаны да көрсетілген.
АҚШ вице-президенті Джей Ди Вэнс бастаған делегация бір күн бұрын Исламабадқа аттанған. Иран делегациясы да сол күннің кешінде Пәкістан астанасына жеткен.
Ең оқылған:
- 132 мың адам зейнетақы шотында түк қалдырмаған – Министрлік шектік межені өзгертеді
- 600-ден астам жас ғалым баспаналы болды – Тоқаев
- Тоқаев ғылым мен білімге басымдық беруді талап етті
- Мемлекет басшысы бір топ жас ғалымға пәтер сыйлады
- Қазақстан экономикасы баяулай ма, әлде жаңа драйверлер қалыптаса ма? АДБ өкілімен эксклюзив сұхбат