Алматы, BAQ.KZ. Математикалық модельдеуге сүйене отырып, зерттеушілер вакцинациялау бүкіл әлем бойынша өлім санын екі есеге азайтады деген қорытындыға келді. Бұл туралы COVID-19 таралуына жол бермеу жөніндегі ВАК мәлімдеді.
Биология және медицина саласындағы ең беделді ғылыми басылымдардың бірі – британдық The Lancet журналында жарияланған жаңа зерттеуге сәйкес әлем халқын вакцинациялау 2020 жылдың желтоқсаны мен 2021 жылдың желтоқсаны аралығында 20 миллионға жуық COVID салдарынан болатын өлім жағдайларын алдын алды.
Математикалық модельдеуге сүйене отырып, зерттеушілер вакцинациялау бүкіл әлем бойынша өлім санын екі есеге азайтады деген қорытындыға келді.
Сарапшылардың пікірінше, вакцинациясыз әлемде 31,4 миллион адам коронавирус инфекциясының әсерінен қайтыс болар еді.
Өткен тәулікте Ресейде COVID-19 инфекциясын жұқтырған 1 102 адам ауруханаға жатқызылды, бұл алдыңғы күндегі 1 202-ге қарағанда 8,3%-ға азайған және бұл туралы коронавируспен күрес жөніндегі жедел штабтың хабарламасында айтылған.
Сонымен қатар ауруханаға жатқызылғандардын саны 38 өңірде өскен, 39 өңірде азайған, қалған сегізінде жағдай өзгермеген.
Соңғы 24 сағатта елде коронавирус жұқтырған 3 154 адам тіркелді. Күніне 3 225 науқас жазылып, 65 адам қайтыс болуда.
Ресейде пандемияның бүкіл кезеңінде 18 412 805 COVID-19 жағдайы тіркеліп, 17 839 346 адам ауруды жеңіп, 380 774 адам қайтыс болды.
