Төтенше жағдайлар министрлігі үйде өрт шыққан жағдайда не істеу қажеттігін ескертті, деп хабарлайды BAQ.KZ ведомствоға сілтеме жасап.
Үйде өрт шыққан жағдайда әрекет ету тәртібі:
- Газ беру кранын жабыңыз, электр қуатын өшіріңіз;
- Өрттің дамуының бастапқы кезеңінде сіз оны барлық өрт сөндіру құралдарын (өрт сөндіргіштер, төсек жапқыштары, құм, су және т.б.) пайдаланып сөндіруге тырысыңыз;
- Ауа ағыны мен өрттің таралуын болдырмау үшін үйіңіздегі барлық есіктерді жабыңыз;
- Үйден шығыңыз, осы жағдайда ең қауіпсіз жолмен жүріңіз;
- Егер түтін сіздің үйіңізге еніп кеткен болса, еденге жақын болыңыз: ол жерде әрқашан таза ауа болады;
- Аузыңыз бен мұрныңызды дымқыл орамалмен немесе сүлгімен жабыңыз;
- Өрт сөндірушілердің рұқсатынсыз үйге оралмаңыз.
Төтенше жағдай туындаған жағдайда 112 нөміріне қоңырау шалу қажет.
