"109" жедел-құтқару жасағының құтқарушылары Үлкен Алматы шыңына көтерілген туристерді құтқарды, деп хабарлайды Алматыдағы BAQ.KZ тілшісі.
30 наурыз күні сағат 14:35-те "109" жедел-құтқару қызметіне қоңырау келіп түскен. Үлкен Алматы көлінің маңында (құбыр бойында) Үндістаннан келген бір топ туриске көмек қажет болған. Құтқарушылардың айтуынша, туристердің бірі иығын шығарып, өздігінен төмен түсе алмай қалған.
Оқиға орнына бірден бес адамнан тұратын құтқару тобы мен бір техника аттанды. Сағат 15:17-де құтқарушылар туристер тобымен кездесті. Алғашқы медициналық көмек көрсетілгеннен кейін зардап шегуші экопостқа түсірілді, - дейді "109" қалалық құтқару қызметінің баспасөз қызметі.
0
0
0
0
0
