Нұр-Сұлтан, BAQ.KZ. Үндістанда жай түсіп, 70 адам ажал құшты.
Жергілікті «Индия Тудей» сайтының хабарлауынша, құрбандардың жартысынан көбі Уттар-Прадеш штатында тіркелген. Сондай-ақ 23 адам Мадхья-Прадеш және қалған 7-уі Раджастхан штаттарының тұрғындары. Елдің премьер-министрі көз жұмғандардың жақындарына әлеуметтік желіде көңіл айтты.
Полиция марқұмдардың басым бөлігі жастар екенін алға тартады. Билік құрбандардың отбасыларына 500 мың рупийден өтемақы төлеуге уәде берді.
Бұл - теңгеге шаққанда 2 миллион 800 мың теңге.
Ресми есепке сәйкес, былтырғы 1 сәуірден биылғы жылдың 31 наурызына дейін найзағайдан 1619 тұрғын қайтыс болған.
