Ұлытау облысында ТЖМ қызметкерлері айдалада қалып қойған адамдарға көмекке келді, депх хабарлайды BAQ.KZ ведомствоға сілтеме жасап.
Белгілі болғандай, кеше күндіз үш адам автокөлікпен Қаражал қаласынан Жаңаарқа кентіне қарай жолға шыққан. Автокөлікте жанармай таусылып қалғандықтан, олар 112 қызметіне қоңырау шалып, құтқарушылардан көмек сұрады.
Құтқарушылар геомәліметтер бойынша жоғалғандарды тауып, көлікке бензин құйып, Қаражал қаласына дейін жеткізді, - деп атап өтті ведомстводан.
Төтенше жағдай туындаған жағдайда 112 нөміріне қоңырау шалу қажет.
