Нұр-Сұлтан, BAQ.KZ. Бұл туралы Ақорданың ресми парақшасында хабарланды.
Мемлекет басшысының өкімімен Нұрболат Серғалиұлы Айдапкелов Қазақстан Республикасының Стратегиялық жоспарлау және реформалар агенттігінің Ұлттық статистика бюросының басшысы қызметіне тағайындалды, - делінген хабарламада.Нұрболат Серғалиұлы Айдапкелов 1979 жылы Жамбыл облысында туған. 2000 жылы Қазақ мемлекеттік басқару академиясының «Бухгалтерлік есеп және аудит» мамандығы бойынша бітірді. 2002 жылы Қазақ гуманитарлық-заң университетін «Заңтану» мамандығы бойынша бітірді.
2001 жылдың қаңтар айынан 2003 жылдың қараша айына дейін ҚР Статистика агенттігінің «Ақпараттық-есептеу орталығында» РМҚ жұмыс істеді.
2003-2007жж. аралығында «Мемлекеттік экспорттық кредиттер және инвестицияларды сақтандыру корпорациясы» АҚ бас маманы, Қаржы департамент директоры болып жұмыс істеді.
2007-2008 жж. «КАЗАгро «ҰҚ»АҚ басқарушы директор.
2008-2009жж. «КазАгроГарант» АҚ басқарма төрағасы.
2009 жылдың шілдесіне бастап желтоқсанға дейін «Astana Knowledge City» АҚ консультанты.
2009-2011жж. ҚР Статистика агенттігі төрағасының орынбасары.
2011-2013жж. ҚР Статистика агеттігінің Жауапты хатшысы.
2013-2014жж. ҚР Статистика агенттігі Әлеуметтік және демографиялық статистика департаментінің директоры.
2015 жылдың қаңтар айынан 2016 жылдың мамыр айына дейін түрлі коммерциялық құрылымдарда басшылық қызметтерді атқарды.
2016 жылғы 26 мамырдан бастап - ҚР ҰЭМ Статистика комитетінің төрағасы.
«Ерен еңбегі үшін» мемлекеттік наградамен, «Қазақстан Республикасының Тәуелсіздігіне 20 жыл» төсбелгілермен марапатталған.
