Бұл туралы ТЖМ Азаматтық қорғаныс комитетінің төрағасы, полковник Бауыржан Сыздықов мәлімдеді, деп хабарлады BAQ.KZ тілшісі.
Халықты ақпараттандыру мақсатында қазіргі уақытта мобильді қосымшалардың басқа да платформалары пайдаланылады. Мәселен, 2ГИС – төтенше жағдайлар кезінде халықты жинау-эвакуациялау және қабылдау-эвакуациялау бекеттері, суға шомылуға тыйым салынған және рұқсат берілген орындар туралы мәліметтер орналастырылған, – деді спикер ОКҚ-да өткен баспасөз мәслихатында.
Сыздықовтың мәлімдеуінше, 2022 жылы апаттық жағдайлар тақырыбына 16 мыңға жуық семинар мен жаттығулар өткізілген.
ТЖМ-мен ақпараттық технологияларын қолданумен қатар халыққа және басқару органдарының мамандарына қауіпсіз мінез-құлық дағдыларын үйрету бойынша дәстүрлі форматтада жұмыс жүргізілуде. Айтар болсақ, мамандандырылған сыныптарда теориялық негіздерді зерделеу жүргізілсе, іс-жүзіндегі практикалық дағдылар тақырыбы мен ауқымы бойынша әртүрлі машықтанулар мен оқу-жаттығулар барысында пысықталады, – деді ТЖМ Азаматтық қорғаныс комитетінің төрағасы полковник Сыздықов.
2022 жылы елімізде әртүрлі санаттағы 14 мыңнан астам тыңдаушы оқытылды және 83 мыңнан астам оқу-жаттығу өткізілді. 4 млн-нан астам көрнекі оқу материалдары шығарылды, 3 мыңға жуық бейнероликтер әзірленді, қауіпсіздік тақырыбына 2 мыңнан астам билбордтар жасалды. Олар ТЖМ-і мен аумақтық бөлімшелерінің ресми сайттарында және әлеуметтік желілерде орналастырылған.
Сондай-ақ Комитет төрағасының дерегінше, 22 мыңнан астам білім беру ұйымдарында 1,6 млн оқушыны қамти отырып, 9 мыңға жуық интерактивті сабақ өткізілді.
