Астанада әуежай маңындағы қамыс өртеніп жатыр. Өрттің жалпы ауданы 1 гектарға жеткен, деп хабарлайды BAQ.KZ тілшісі.
ТЖМ ресми өкілі Руслан Иманқұловтың мәлімдеуінше, қазіргі таңда жедел мониторинг жүргізіліп жатыр.
Қажетті құралдар мен қызметкерлер оқиға орнында, барлық қажетті іс-шаралар қабылданып жатыр. Жедел мониторинг жүргізілуде, қауіп төніп тұрған жоқ, керек болған жағдайда тағы күштер мен құралдар жұмылдырылады, - деді Руслан Иманқұлов.
Төтенше жағдайлар департаменті деректері бойынша өрт сөндірушілердің жеке құрамы 13 сәуірде сағат 12:28 шамасында оқиға орнына шыққан.
Оқиға орнына келіп жеткенде 1 гектар жердей аумақта қамыс пен кепкен шөптің өртеніп жатқаны анықталды. Қазір жеке құрамнан 14 адам және үш техника өртті сөндіруге жұмылдырылды, - делінген Астана ТЖД таратқан хабарламада.
