ТЖМ мамандары қар көшкінінің алдын алу жұмыстарын жүргізді

Температураның күрт өзгеруіне, жылымыққа және желге байланысты Алматы тауларында қар көшкіні қаупі туындады, деп хабарлайды BAQ.KZ ТЖМ-ға сілтеме жасап.

ТЖМ Қазселденқорғау қызметкерлері құтқарушылармен бірлесіп “Шымбұлақ" тау шаңғы курортында 3200м биіктікте профилактикалық қар түсіру жұмысын жүргізді. 

Шара нәтижесінде 3500 текше метр қар түсірілді. ТЖМ қар көшкіні қаупі туралы дауылды ескертулер жарияланған кезде таулы жерлерге бармауға кеңес береді.