7 қараша күні сағат 17:30-дан бастап Түркістан облысында жаңбыр түрінде үздіксіз жауын-шашын жауды. Қазіргі уақытта Түркістан облысының құтқарушылары жауын-шашынның салдарынан болған су басудың салдарын жою жұмыстарын жалғастыруда, деп хабарлайды BAQ.KZ.
Табиғи құбылыстар салдарынан Төле би ауданының жеке балабақша ауласын және жеке сектордың 25 аула аумағын су басты. Жағдай Түркістан облысы әкімдігі мен ТЖ департаментінің бақылауында. Тиісті күштер мен құралдар қалыптасты, – делінген Түркістан облысы ТЖД баспасөз қызметі хабарламасында.
Қазіргі уақытта Түркістан облысының жергілікті атқарушы органдары мен Төтенше жағдайлар департаментінің күштері суды сорып шығару және инертті материалдар салынған қаптарды төсеу жұмыстарын жүргізіліп, 200-ден астам қап төселді. Су жиналуы ықтимал жерлерге тағы 300-ге жуық қап төсеу жоспарланып отыр.
Атаулы көмек көрсетілуде. Алдын алу сипатындағы жұмыстар жалғастырылуда.
"Қазгидромет" РМК мамандарының мәліметінше, биылғы жылдың 8 қарашасында да өңірде нөсер жаңбыр жауады деп күтіледі.
