ОКҚ алаңында өткен брифингте Оқу-ағарту бірінші вице-министрі Наталья Жұмаділдаева түлектер қорытынды емтихандарын қашан тапсыратынын айтты, деп хабарлайды BAQ.KZ тілшісі.
Оқу-ағарту министрінің бұйрығына сәйкес 9 және 11 сынып түлектері үшін де қорытынды аттестаттаудан өту мерзімі белгіленді. Биыл 9-сыныптың 341 242 оқушысы 29 мамыр мен 10 маусым аралығында қорытынды аттестациядан өтеді, - деді вице-министр.
Ал 11-сынып оқушыларының бітіру емтихандары 28 мамыр мен 11 маусым аралығында өтеді.
Сертификаттарды салтанатты түрде тапсыру 12-15 маусым аралығында өтеді. Ақтөбеде 9 мектепте, Атырауда 3 мектепте және Солтүстік Қазақстан облысында төтенше жағдай жарияланған 5 мектепте оқушылар аралық және қорытынды аттестациядан босатылған. Білім олқылықтарын толтыру үшін елдегі бұрын су тасқыны аймақтарында қашықтан оқытуға көшкен 2 622 мектепте «Жазғы мектеп» ұйымдастырылады, - деп айтты Жұмаділдаева.
Биыл техникалық және кәсіптік білім беру ұйымдарын 156 мың студент бітіреді. Колледж түлектерінің қорытынды аттестаттауы 28 маусымға дейін аяқталады, ал бітірушілерді тапсыру рәсімі 28 маусым мен 1 шілде аралығында өтеді.
