АҚШ президенті Дональд Трамп Ақ үйдің алдындағы 200 жылдық тарихы бар магнолия ағаштарын жұлып тастайтынын айтты, деп хабарлайды BAQ.KZ.
Бұл жоспарымен президент Truth Social әлеуметтік желісінде бөліскен.
Ақ үй шамамен 200 жыл бұрын АҚШ-тың жетінші президенті Эндрю Джексон отырғызған магнолиялардан құтылуға ниетті. Аңызға сәйкес, Эндрю Джексон гүлдерді өзінің ұлықтау рәсіміне бірнеше ай қалғанда көз жұмған жары Рэйчелдің құрметіне орай 1828 жылы еккен.
Енді Ақ үйдің қазіргі басшысы Дональд Трамп гүлдерден тезірек құтылғысы келеді.
Айтуынша, өсімдіктердің күйі нашар, сол үшін Ақ үйдің сәнін бұзып тұр. Ағаштардан тазарту жұмыстары осы аптада басталады деп жоспарланған. Трамп жұлынған магнолиялардың орнына өзге өте әдемі ағаш пайда болады деп уәде берді.
Сондай-ақ ол магнолияның сүректерін сақтап қалатынын, ал Ақ үйдің қызметкерлері оны "өзге жоғары әрі игі мақсаттар үшін" қолданатынын айтты.
0
0
0
0
0
