Нұр-Сұлтан, BAQ.KZ тілшісі. Қазақстан мен Ресей – Құдай қосқан көршілер. Бұл туралы Мемлекет басшысы Қасым-Жомарт Тоқаев Ресей президенті Владимир Путинмен кездесуінде айтты.
ТАСС Facebook парақшасында Қасым-Жомарт Тоқаев пен Владимир Путиннің Кремльдегі кездесуінен видео таратты.
Одақтастық қарым-қатынастардағы стратегиялық өзара іс-қимылымызда нақты нәтижелерге қол жеткізуді көздеп отырмыз. Біз саяси ерік-жігердің арқасында қажетті нәтижелерге қол жеткіземіз деп ойлаймын. Қазақстан мен Ресей – Құдай қосқан көрші. Бұл туралы талайдан айтып келеміз. Екі елде «әлемдегі ең ұзын құрлық шекарасы» бар, - деді Президент Қасым-Жомарт Тоқаев.
Тоқаевтың айтуынша, елдеріміз арасында достық, ынтымақтастық және басқа да қарым-қатынастардан бөлек дүние болуы мүмкін емес.
