Нұр-Сұлтан, BAQ.KZ. Амманда өтіп жатқан бокстан лицензиялық турнирде Қазақстан қоржыны бесінші және алтыншы жолдамамен толықты.
Бұл туралы Prosport.kz сайтында хабарланды.75 келіге дейінгі салмақ дәрежесінде сынға түскен Әбілхан Аманқұлов ширек финалда өзбекстандық Фанат Қахрамоновты төрешілердің бірауыз шешімен жеңді. Есеп - 5:0.
Осылайша, Әбілхан елімізге бокстан бесінші Олимпиада жолдамасын сыйлап отыр.
Сонымен қатар, қазақстандық боксшы Қамшыбек Қоңқабаев Амман қаласында (Иордания) өткен Олимпиадалық іріктеу турнирінде 91 келіден жоғары салмақта ширек финалдық жекпе-жегін өткізді.
Оған қытайлық Маймаити Айхемаити қарсы жұдырықтасты. Жекпе-жек төрешілердің бірауыздан қабылданған шешіммен қазақстандықдың жеңісімен аяқталды.
Осылайша Коңқабаев турнирдің жартылай финалына өтіп, 2020 Олимпиада ойындарына қатысуға лицензия жеңіп алды.
