Тимур Тоқтабаев ҚР индустрия және инфрақұрылымдық даму вице-министрі қызметінен босатылды

Нұр-Сұлтан, BAQ.KZ. Қазақстан Республикасы Үкіметінің қаулысымен Тимур Серікұлы Тоқтабаев басқа жұмысқа ауысуына байланысты индустрия және инфрақұрылымдық даму вице-министрі лауазымынан босатылды. Бұл туралы ҚР Премьер-министрінің баспасөз қызметі хабарлайды.

Тимур Тоқтабаев 1981 жылы дүниеге келген, 2011 жылдан бастап ҚР Индустрия және инфрақұрылымдық даму министрлігі құрылымында жұмыс істеген. Жер қойнауын пайдалану департаменті директорының орынбасары, директоры (2011-2016 жж.), этика жөніндегі уәкілетті өкіл (2016 ж.), вице-министр (2016-2019 жж.) қызметтерін атқарған. Оған дейін "Тау-Кен Самұрық" ұлттық тау-кен компаниясы" АҚ-да, ҚР Энергетика және минералды ресурстар министрлігінде, "Қазгеоинформ" геологиялық мәліметтер орталығында және т.б. қызмет еткен.