Тергеу тобы Оңтүстік Корея президенті Юн Сок Ёльді қамауға алу керегін айтып, ордер берді, деп хабарлайды BAQ.KZ тілшісі.
Ордер Корея президентіне қызметін асыра пайдалану айыптары бойынша берілген. Бұл Юнның үш рет шақырылған тергеуге келуден бас тартқаннан кейін жасалып отыр. Өтініш жексенбі күні түн ортасында (жергілікті уақыт бойынша) сотқа тапсырылды. Тергеу тобына жоғары лауазымды тұлғаларға қатысты сыбайлас жемқорлыққа қарсы тергеу басқармасы (CIO), полиция және Қорғаныс министрлігінің тергеу бөлімі кіреді.
Тергеушілер Юнның бүлік ұйымдастырып, өкілеттігін асыра пайдаланып, 3 желтоқсанда әскери төтенше жағдай жариялап, әскерилерге Ұлттық Ассамблеяға (парламент) баруға бұйрық берген деп айыптайды. Бұл депутаттардың жарлыққа қарсы дауыс беруіне кедергі келтіру үшін жасалды делінеді.
Юн бұл айыптауларды жоққа шығарып, әскери төтенше жағдай енгізу туралы шешімі "басқару әрекеті" екенін түсіндірді. Президент мұны оппозициялық партияның заң шығарушы өкілеттігін асыра пайдалануына жол бермеу үшін қабылданған шешім деп түсіндірді.
