Елордада Tartyl FEST республикалық турнирінің Гранд-финалы қарсаңында салмақ өлшеу рәсімі өтті деп хабарлайды, BAQ.KZ тілшісі.
Турникке тартылу бойынша 2022 жылы еліміздің 20 қаласында өткен жарысқа 9 салмақ дәрежесі бойынша қатысушылар бақ санаған еді. 11 жастан 51 жасқа дейінгі қатысушылар арасында өңірлік іріктеу жарыстарынан гранд-финалға 170 спортшы өтті.
7 мыңнан астам қазақстандық қатысқан турнирдің ұымдастырушысы Қазақстан Республикасы Президенті жанындағы «DARA» дарындыларды қолдау қоры.
“Tartyl Fest” “DARA” қорының ең алғашқы жобасы. Қазіргі уақытта даму деңгейі жақсы. Гранд финалда 11 жастағы ең кіші қатысуышымыз бар, ал ең үлкені 51-де. Осылай спортшыларымз жан-жақтан келіп жатыр. Неге басқа спорттан емес деген сауал өте көп келеді. Жалпы турникті кез-келген жерден табуға болады. Даладан да, қаладан да. Турник өте қолжетімді болғаннан кейін арнайы дайындықдың, арнайы киімнің қажеті болмағандықтан осы спорт таңдалды. “DARA” дарындылар қорының миссиясы да еліміздің дарынды тұлғаларына әлемдік ареналарда бәсекелесуге үлкен мүмкіндік беретін бір орта құру. Осындай орта құрылып жатыр деп ойлаймыз. Алғашқы жобамыз “Tartyl Fest” болса, қазір екінші жобамыз да жүріп жатыр. Ол мобилография фестивалі өтіп жатыр. Республикамыздың барлық мобилографтары жарысып жатыр. Осындай игі істерді жасап жатырмыз , - дейді, ҚР Президенті жанындағы «DARA» дарындыларды қолдау қорының атқарушы директоры Еркін Алматыұлы
Жоба жыл сайын жалғасын табады.
Гранд-финалдың жалпы жүлде қоры – 54 млн теңгені құрайды. Әр салмақ дәрежесі бойынша жеңімпаз 3 млн.теңге алады, екінші орын үшін жүлде 2 млн.теңге, үшінші орын үшін – 1 млн.теңге. Сонымен қатар, Гранд-Финал чемпиондары Street Workout бойынша әлем чемпионатына жолдама алады.
Ал жарыстың ең жас қатысушысы Шығыс Қазақстаннан келген 11 жастағы Мансұр Уәлиев.
Мен 4 жасымнан бастап спортпен шұғылданамын. Армрестлинг, жеңіл атлетика, дзюдомен айналысамын. Спортты жақсы көремін. Осы турнирдің ұйымдастырушыларына рақмет. Мені жарысқа қатысуға әкем алып келді. Турникке тартылып, жарысқа дайындалып жүргеніме жарты жыл уақыт болды. Келген спортшылардың барлығы мықты. Сәттілік тілеймін!, - дейді Мансұр Уәлиев.
Айта кету керек, бәсекенің гранд-финалы 18 ақпан күні сағат 12.00 Астана қаласында Конгресс орталығында (Экспо) өтеді. Турнирді «Jibek joly» телеарнасы тікелей эфирде көруге мүмкіндіктеріңіз бар.
Әсел Әбілбек
