Нұр-Сұлтан, BAQ.KZ. "Қазгидромет" РМК синоптиктері 4-6 ақпанға арналған ауа райы болжамын ұсынды.
Қазақстанға жылжып келе жатқан оңтүстік циклон мен атмосфералық фронттар республикамыздың көптеген облысында қайта жауын-шашын жаңбыр, жылбысқы қар жауады, ал солтүстік, орталық және шығыс облыстарында қар, бұрқасынмен күшті екпінді жел және көктайғақ туғызады.
Жылы ауа массалары Қазақстанның оңтүстігі мен батысында ауа температурасының айтарлықтай жоғарылауын туындатады, ал алдағы тәуліктерде Қазақстанның қалған аймақтарында да температураның жылымыққа дейін көтеріле бастайды. Солтүстік, орталық және шығыс облыстарында күндізгі температура минус 5…плюс 5°С дейін, оңтүстік және батыста плюс 3…8°С, қиыр оңтүстікте плюс 15°С дейін болжанып, орташа көпжылдық мәннен 5…14°С-қа жоғары болады деп күтіледі, - делінген хабарламада.
