Мәжіліс депутаты Қарақат Әбден су ұңғымаларын жоюға қатысты мәселені көтерді, деп хабарлайды BAQ.KZ тілшісі.
Су шектеулі ресурс екені бәрімізге белгілі. Алайда елімізде өздігінен ағатын гидрогеологиялық ұңғымалардың саны өте көп, - деді ол.
Оның сөзінше, елімізде 2 250 ұңғыма жабылады. Оның 299-ы Маңғыстау облысында, 411-і Қызылорда облысында.
2018 жылы Жоғары аудиторлық палата бұл мәселені көтерген еді. Дегенмен бүгінгі күнге дейін пәрменді өзгерістер әлі жоқ. Нұржан Молдиярұлы (Су ресурстары және ирригация министрі – ред.), өзіңіз басқарып отырған министрліктің осы ұңғымаларды жою жолындағы жоспарлары қандай? Билік органдары ұңғымаларды жою үшін қандай іс-шара жүргізеді? Суды ағызып қойып, қашанға дейін қарап отыра береміз? – деп сұрады депутат Су ресурстары министрі мен Маңғыстау және Қызылорда облыстары әкімдерінен.
