Өнеркәсіп және құрылыс министрлігі су тасқынынан зардап шеккен өңірлердегі тұрғын үйлерді қалпына келтіру жұмыстары жүргізіліп жатқанын мәлімдеді, деп хабарлайды BAQ.KZ ведомствоға сілтеме жасап.
Солтүстік Қазақстан облысының Қызылжар ауданында 154 тұрғын үй құрылысы белсенді жүргізілуде. Сондай-ақ зардап шеккен 1 099 үйде жөндеу жұмыстары жалғасуда, оның ішінде 252-сінде аяқталған.
Бұдан басқа, су тасқынынан зардап шеккен ауыл тұрғындары үшін үйлер сатып алынуда. Қызылжар ауданында барлығы 40 үй сатып алынды.
ҚР Өнеркәсіп және құрылыс министрлігінің Ахуалдық орталығының мәліметінше, Солтүстік Қазақстан облысында барлығы 3 993 объектіге техникалық тексеру жүргізілді, оның нәтижелері бойынша келесі шаралар жоспарланған:
- 700 тұрғын үй салу – 100 аяқталды;
- 1 329 тұрғын үй сатып алу – 564 сатып алынды;
- 1 964 тұрғын үйде жөндеу жұмыстарын жүргізу – 74 аяқталды.
Жұмыстар инфрақұрылымды қысқа мерзімде қалпына келтіру және тұрғындарды жаңа тұрғын үймен қамтамасыз ету мақсатында жалғасуда.
