Нұр-Сұлтан, BAQ.KZ тілшісі. Бұл туралы бүгін «Спутник V және QazVac: COVID-19-ға қарсы вакциналардың сапасы» тақырыбында өткен онлайн лекторий кезінде медицина ғылымдарының докторы, профессор, ДЗМБСҰО сарапшысы, ДСМ Халықты иммундау жөніндегі ұлттық консультативтік комиссияның мүшесі Жаннат Сатыбалдиева айтты.
Көптеген мемлекетте, соның ішінде Қазақстанда да вакциналар әзірлене бастады. Бүгінгі талқылауымыздың тақырыбы болып отырған екі вакцинаға тоқталғым келеді. «Спутник V» - бұл қазақстандық фармацевтикалық кешенде өндірілетін қазақстандық препарат. Бұл GMP талаптарына сәйкес келетін заманауи зауыт, яғни «өндірістің тиісті тәжірибесі» дегенді білдіреді, - деді ол.
Спикердің айтуынша, бұл зауыт Н.Ф. Гамалея атындағы ғылыми-зерттеу институтында өндірілетін «Спутник V»-ден технологиялар трансфертін алды.
Сонымен қатар аталмыш вакцинаның технологиялық платформасы ұзақ уақыт бойы сыналды – бұл технологияға шамамен 20 жыл. Әрине, ол адамның аденовирусы емес, патогенді штамм қолданылатын биотехнологиялық әдістердің көмегімен алынды. Бірақ ол S ақуызын өндіруді кодтайтын ген енгізілген тасымалдаушы болып саналады, оған қарсы қорғаныс қасиеттері бар антиденелер шығарылады, - деді сарапшы.
Маман бірінші компонентте осы аденовирустың 26-серотип, ал екінші компонентте 5-серотип барын жеткізді. Яғни, адам осы екі дозаны алғаннан кейін, ол арнайы қорғаныс иммунитетін дамытады.
