Соқыр өзенінің жағасынан 300 келіден астам қоқыс шығарылды

Соқыр өзенінің жағасынан 300 келіден астам қоқыс шығарылды
373

«Жасыл ел» еңбек жасағының қарағандылық жауынгерлері Соқыр өзені мен жақын маңдағы саяжайларды тазартты, деп хабарлайды BAQ.KZ.

Қарағанды облысы әкімдігі баспасөз қызметінің мәліметінше, «Таза жағалаулар» экологиялық акциясы барысында олар 300 келіден астам қоқыс шығарды.

Шара Қарағанды облысының табиғи ресурстар және табиғатты пайдалануды реттеу басқармасының бастамасымен өтті.

Әлеуметтік желілерде саяжай тұрғындарының қоқыстарды үйлерінің сыртына, су қоймасының маңына, Соқыр өзенінің маңына лақтыратыны туралы шағымдар көп. Соның салдарынан ол жерде заңсыз қоқыс полигондары қалыптасады. Сондықтан Соқыр өзенінің аумағында тазарту жұмыстарын жүргізу туралы шешім қабылданды. Акцияны Жастар саясаты мәселелері жөніндегі басқарма қызметкерлері қолдап, «Жасыл ел» еңбек жасағы көмектесті. Оған барлығы 43 адам қатысты, – дейді акцияны ұйымдастырушылар.

Барлық жиналған қоқыс полигонға жіберіледі. Акцияға қатысушылар тұрғындарды табиғатты аялап, қоршаған ортаға қоқыс тастамауға шақырады.

Қысқа да нұсқа. Жазылыңыз telegram - ға

Фото: Қарағанды облысы әкімдігінен
Өзгелердің жаңалығы