Соңғы үш жылда Қытайға астық экспорты 6 есеге жуық артты

Дәстүрлі түрде қазақстандық астық пен оны қайта өңдеу өнімдері үшін негізгі өткізу нарықтары Орталық Азия, Ауғанстан, Иран және Қытай елдері болып қала береді, деп хабарлайды BAQ.KZ AgroPress-ке сілтеме жасап.

Сонымен қатар, соңғы үш жылда ҚХР-ға астық жүктерінің экспорты 5,7 есе өсті. 

«Қазақстан темір жолы» ұлттық компаниясының деректері бойынша осы жылдың басынан бастап астықпен 582 маршруттық пойыз құрылып, жөнелтілді: 551 экспресс-пойыз астық жүктерін Қытайға, Түркменстанға, Иранға, Ресейге, Өзбекстанға жеткізді. 

Ел бойынша астық жүктерін маршруттық жөнелтілімдермен тасымалдау үшін 31 құрам ұйымдастырылды.