Нұр-Сұлтан, BAQ.KZ. Облыс прокуратурасында алқа мәжілісі өтті. Су тасқынына дайындық мерзімінде "Азаматтық қорғаныс туралы" заңның талаптарын сақтау басты мәселе ретінде қаралды.
Отырыста прокуратура қызметкерлерінің өткен жылдары өткен су тасқыны жағдайына жүргізілген талдаудың қорытындысы және ТЖ алдын алу және жою кезінде қолданылатын шаралардың жеткіліктілігі айтылды. Прокурорлар су тасқынына ықпал еткен және төтенше жағдайларға әсер еткен бірқатар маңызды факторларды анықтады. Бірінші кезекте, қалыптасқан ауа райы жағдайларын қоспағанда, бұл лауазымдық міндеттерді тиісінше орындамау және жауапты тұлғалардың салғырттығы. Сондай-ақ отырыс кезінде алдын ала су тасқынына қарсы шаралар сапасының төмендеуі және азаматтық қорғау органдарының материалдық-техникалық жабдықталуының жеткіліксіздігі атап өтілді.
Су тасқынының тағы бір факторы жергілікті жердің гидрологиясын, су қорғау белдеулері мен аймақтарын ескермей үйлерді салу, сондай-ақ халықтың өз тұрғын үйлерінің жай-күйіне және үй маңындағы учаскелерге іргелес арналар мен су ағындарына жауапсыздықпен қарау болып табылады. Маңызды аспект-нақты құқықтық регламенттеудің және тасқынға қарсы шараларды жүргізудің нақты алгоритмінің болмауы, - делінген ақпаратта.
Осыған байланысты уәкілетті органдарға табиғи сипаттағы барлық апаттарға жол бермеу және оны болдырмау жөніндегі іс-қимыл тәртібін реттейтін тиісті құқықтық актілерді әзірлеу жөнінде шаралар қабылдау туралы көрсетілген. Бұдан басқа, жергілікті атқарушы органдар, ТЖ департаменті мен мүдделі тұлғалар арасында су ағынын реттеу кезінде өзара іс-қимыл тәртібін, сондай-ақ, ағын суларды қалыптастыратын аймақтарды тексеруді жолға қою ұсынылды.
Осы жылы анықталған проблемалық аймақтарды жою мәселесін ерекше бақылауға қою, бақылау жоспарын жасау және ұсынымдарды орындауға жауаптыны анықтау, осылайша 2020 жылдың көктеміне дайындалу және төтенше жағдайға жол бермеу, - деп хабарлады Солтүстік Қазақстан облысының прокуратурасы.
