Смайылов Қырғызстан Президенті Садыр Жапаровпен кездесті

ҚР Премьер-министрі Қазақстан Президенті Қасым-Жомарт Тоқаевтың жылы сәлемін жеткізді, деп хабарлайды BAQ.KZ.

Бұл туралы Үкіметтің баспасөз қызметі мәлім етті.

ШЫҰ-ға мүше мемлекеттердің үкімет басшылары кеңесінің отырысы қарсаңында ҚР Премьер-министрі Әлихан Смайылов іс-шара делегациялары басшыларының Қырғызстан Президенті Садыр Жапаровпен кездесуіне қатысты. 

Әлихан Смайылов Қазақстан Президенті Қасым-Жомарт Тоқаевтың жылы сәлемін жеткізіп, үш маңызды үкіметаралық форумның жоғары деңгейде ұйымдастырылғанын атап өтті.