Шымкентте жол апатынан 16 жастағы скутер жүргізушісі қаза тапты, деп хабарлайды BAQ.KZ Polisia.kz сайтына сілтеме жасап.
9 қараша күні сағат 19:40 шамасында Мұғалжар мен Алпамыс батыр көшелерінің қиылысында Zhweki скутері мен Kia Optima көлігінің қатысуымен жол-көлік оқиғасы болды.
Салдарынан скутердің кәмелетке толмаған жүргізушісі оқиға орнында көз жұмды. Іс бойынша тиісті сараптамалар тағайындалды. Сотқа дейінгі тергеп-тексеру жүргізіліп жатыр, - делінген хабарламада.
