Шымкентте маргиналды жастардың қылмыстық әрекеттері тоқтатылды, деп хабарлайды BAQ.KZ Polisia.kz сайтына сілтеме жасап.
Қалалық ПД ұйымдасқан қылмысқа қарсы күрес басқармасы кешенді іс-шаралардың нәтижесінде аймақтағы жедел жағдайға теріс әсер ететін он адамнан тұратын топты ұстады.
Олар қару пайдаланып, бұзақылық және бопсалаумен айналысқан. Құрықталғандардың жасы 20-дан 25-ке дейін. Тұрғылықты жерлерін тексеру барысында атыс қарулары, оқ-дәрілер мен басқа да заттай дәлелдемелер табылып, тәркіленді. Қылмыстық құқық бұзушылық жайттары бойынша тергеу жұмыстары жүргізілуде, - делінген хабарламада.
Оқи отырыңыз:
