Нұр-Сұлтан, BAQ.KZ. Шымкент қаласындағы «Оңтүстік» индустриялық аймағында үздік жоба аясында қақпағы бар алюминий банкалар шығарылады, деп хабарлады Шымкент қаласының Ақпараттық-коммуникациялық орталығы.
Қазіргі уақытта жобаны іске қосу жоспарлануда. Өндірістік және қойма үй-жайларын салу бойынша құрылыс-монтаждау жұмыстары жүргізілуде,. Өндірістік жабдықтар кезең-кезеңімен жеткізілуде. Қазіргі заманғы зауыттың жалпы ауданы 20 000 шаршы метрді құрайды. Жабдықтың өндірістік максималды қуаты жылына 500 миллион банка. Зауыт АҚШ-та өндірілген жоғары технологиялық жабдықтармен жабдықталады.
Жоба аясында сыраны, шырындарды, газдалған және газдалмаған әлсіз алкогольді және алкогольсіз сусындарды құюға арналған түрлі көлемдегі оңай ашылатын қақпақтары бар терең соратын алюминий банкалар шығарылады. Жалпы қазақстандық алюминий ыдысы нарығының барлық сыйымдылығының 80% -на дейін нарықты қамти отырып, өндірісті дамыту көзделіп отыр, - делінген аөпаратта.
Бір айта кетерлігі, алюминий банка – әлемдегі ең экологиялық таза және қайта өңделетін қаптама. Алюминий банкаларының жартысынан көбі қайта өңдеуге жіберіледі, оны қайта өңдеуге және қайтадан шексіз рет пайдалануға болады.
Компания жыл сайын республикалық бюджетті толықтыра отырып, өз өңірінде ірі салық төлеуші болады. Сондай-ақ, жаңадан құрылған компания ҚР заңнамасына сәйкес кепілдендірілген әлеуметтік төлемдерімен 157 адамды жұмыспен қамтымақ.
«KazAlPack» ЖШС жобасы «Қазақстан Халық Банкі» АҚ және «Даму» кәсіпкерлікті дамыту қорының қолдауымен «Қарапайым заттар экономикасы» бағдарламасы аясында жүзеге асырылуда.
