Шымбұлақ тау шаңғысының жаңа маусымы 7 желтоқсан күні ашылады. Ал 23 қараша курорттың техникалық ашылуы болады. Бұл туралы Шымбұлақ баспасөз қызметі мәлімдеді, деп хабарлайды BAQ.KZ.
Маусымда Шымбұлақ қонақтарға арнап түрлі жаңашылдықтар дайындады, олардың арасында - жаңа трассалар, жаңа демалыс зоналары, күшейтілген қауіпсіздік шаралары және әлемдік деңгейдегі шаралар бар, - деді Шымбұлақ баспасөз қызметі.
Шымбұлақтағы қысқы маусым спорттық сайыстардан мерекелерге дейінгі шараларға толы:
* 7 желтоқсан – Мерекелік бағдарламамен маусымның ресми ашылуы.
* 25 желтоқсан – 5 қаңтар – Шымбұлақтағы Жаңа жыл мерекесі.
* 4–11 қаңтар – Шымбұлақта өз тарихында алғаш рет Шаңғы спортының Халықаралық федерациясы (FIS) ұйымдастыратын юниорлар арасындағы әлем чемпионаты өтеді. Бүкіл әлемнен келген жас спортшылар «могул» және «шаңғы акробатикасы» бағыттары бойынша өз қабілеттерін көрсетеді, ал Қазақстан командасы атынан мықты үміткерлер шығады.
* 19 қаңтар – Snow Day: тегін сайыстар өтетін балалар мерекесі.
* 26 ақпан – 2 наурыз –FIS фристайл бойынша Әлем кубогының кезеңі. Шымбұлақ алтыншы ретфристайл бойынша Әлем кубогы кезеңі өтетін алаң болғалы отыр.
Бүкіл әлемнен келген үздік спортшылар түрлі фристайл бағыттары бойынша титулдарға таласады. Қазақстанның атынан Павел Колмаков және Юлия Галышева сияқты мықты спортшылар шығады.
* 13–18 наурыз – Shymbulak Freeride WeekQualifier — фрирайд бойынша әлемдік сайыстар сериясының бөлігі. Бұл турнирге әлемнің тәжірибелі райдерлері қатысады, олар екі және үш жұлдыз санаттары бойынша біліктілік баллдары үшін сынға түседі. Сайыс адреналин мен экстремалды сырғанауды ұнататындарды біріктіретін қызықты шара болғалы тұр.
* 21–24 наурыз –Наурыз мерекесін тойлау.
* 1–7 сәуір – Gorilla Winter Jungle: спорт пен музыка фестивалі.
