Нұр-Сұлтан, BAQ.KZ. Шығыс Қазақстан балық шаруашылығы бассейні көлемі бойынша республикада үшінші орынға ие. Негізінен балық аулау Зайсан көлінің және Бұқтырма су қоймасының жағасында дамыған.
Мұнда балық аулау көлемі 93% құрайды. Кемінде 14 жағалаудағы елді-мекендердің халқы дәстүрлі балық шаруашылығымен айналысады.
Балық аулаудың негізгі мүмкіндіктері көптеген факторларға байланысты шектелген. Бұл балық аулаудағы басты кедергі болып табылады. Биыл өңірде ғылыми тұрғыда қол жеткізуге жоспарланған 10,2 мың тонна балық өндірілді. Алайда, қарқынды балық аулау кезінде популяциялардың өздігінен көбею қабілеті бұзылады, сондықтан балықтардың тұрақты санын сақтау үшін популяцияны сақтау шаралары қажет. Осы мақсатта кәсіптік балық аулау жүргізілетін табиғи су айдындарына балық жіберу жүргізіледі. Бұл қайта өңдеушілерді жүктеу және жағалаудағы ауылдарды жұмыспен қамтамасыз ету үшін өндіріс көлемін тұрақтандыруға мүмкіндік береді.
Соңғы жылдар ішінде облыста балықтандыру көлемін арттыру бойынша жұмыстар жүргізілді. Көрсеткіш 2016 жылғы 4 млн дана шабақтан 2019 жылы 10,3 млн данаға дейін 2,5 есеге артты.
Биылғы жылы балық жіберу көлемі 17 млн дана жас балықты құрады. Оның ішінде тұқы/сазан балықтары – шамамен 3 млн дана, рипус - 2,6 млн дана, пелядь - 11,3 млн дана.
Гидроэнергетика, кеме қатынасы және басқа да кәсіпорындардың балық жіберу көлемі 721 мың дана тұқы/сазан шабақтарын, 30 мыңға жуық тұқы/сазан дернәсілдерін құрады.
Қазір қазақ балық шаруашылығы ғылыми-зерттеу институты кәсіпшілік барлық субъектілерін, сондай-ақ кәсіпшілікке зиян келтіретін объектілерді екі жылдық отырғызу материалдарын балықтандыруға көшірудің биологиялық негіздемесі бойынша жұмыс істеуде. Бұл су қоймаларынан алынатын балықты кәсіпшілік қайтару уақытын 3 жылға дейін қысқартуға мүмкіндік береді. Кәсіпшілік қайтару көлемі балық жіберу көлемінің 50%-ын құрайды.
Сондай-ақ, облыстық бюджет есебінен Бұқтырма су қоймасына 10 млн дана пелядь тұқымы және Қара Ертіс өзеніне 4 мың дана Сібір бекіресі жіберілді.
Жалпы, 2015 жылдан 2020 жылға дейін балықтандырудың жалпы көлемі 54,1 млн дана шабақты құрады. Негізінен балықтандыру тұқы, сазан, ақ амур, рипус, пелядь сияқты бағалы балық тұқымдарымен жүргізіледі.
